Written by natti
Gunnar Guðvarðarson hjá Advania sendi mér póst fyrir stuttu og koma því á framfæri að staðan hjá Advania varðandi IPv6 hefði breyst, og núna væri þetta svona:
Fyrirtæki: IPv6 er sett upp á öllum nýtengingum en fyrirtæki sem þegar eru með tengingu við Advania geta beðið um IPv6.
Hýsing: Já/í boði og sett upp skv beiðni.
Frábært! 😀
Written by admin
Eftir security update þá virkar ekki lengur að skoða þjónustuaðila/síður og IPv6 support, en það verður lagað seinna.
En af öðru er það að frétta að gestanetið hjá NOVA er dual-stack, og orðið á götunni er að þeir eru byrjaðir að prófa dual-stack fyrir heimatengingar á ljósleiðara Gagnaveitunnar, með góðum árangri.
En í “borðaðu eigin hundamat” deildinni þá bíðum við bara eftir að www.nova.is verði A/AAAA 🙂
Written by natti
Nýtt “check” var keyrt á heimasíður í dag.
Stærsta og mest spennandi breytingin er eflaust sú að nafnaþjónar mbl.is eru núna aðgengilegir yfir IPv6, en það markar vonandi það upphaf að mbl.is innleiði IPv6 á þessu ári.
En af öðru er þetta að frétta:
Written by natti
Annaðhvort eru menn samtaka eða þá að ruv.is hefur ýtt við einhverjum.
Hringdu tók sig til og lagaði síðuna sína, en þeir hafa verið með AAAA færslu fyrir www.hringdu.is án þess að síðan sé aðgengileg yfir IPv6 fleiri mánuði.
Þetta hefur nú verið lagað.
Vaktin.is (og spjallsvæðið) er einnig orðið aðgengilegt yfir IPv6.
Written by natti
Fékk fregnir af því áðan að “www.ruv.is” væri orðið aðgengilegt yfir IPv6.
Frábærar fréttir, og af því tilefni uppfærði ég Vefsíðu hlutann.
Lénið “ruv.is” er að vísu ennþá rautt í þeim lista, en það er vegna þess að aðeins “www.ruv.is” er með “AAAA” færslu (IPv6 tölu), en “ruv.is” er eingöngu með “A” færslu (IPv4).
Það er því ákveðið misræmi hjá RÚV í “ruv.is” vs “www.ruv.is”, og að svo stöddu tekur Vefsíðu hlutinn hérna ekki tillit til þess.
Enda mætti eflaust færa rök fyrir því að “lén.is” og “www.lén.is” ættu að vera eins upp sett…Edit(10.4@1200): ruv.is er núna einnig komið með AAAA færslu.
Við þetta má svo bæta, sem að ætla má að séu bara vandamál sem að RÚV á eftir að laga:
a) Bara annar af nafnaþjónum RÚV svarar DNS fyrirspurnum, “dns2.ruv.is” svarar alltaf með REFUSED.
b) Einn af þremur póstþjónum RÚV er með skráða IPv6 tölu (postur.ruv.is), en hann svarar ekki á IPv6 (timeout).
Þegar ég finn tíma til þá reyni ég að bæta við undir Vefsíðu hlutann þar sem þessir hlutir eru athugaðir áður en viðkomandi lén fær grænan reit.
Bætt við 10.04@20:50: Heyrði frá RÚV í dag, og þar á bæ eru menn alveg með á nótunum, engar tilviljanir heldur er bara verið að stíga varlega til jarðar.
Það er ekki annað hægt en að óska RÚV til hamingju með þennan áfanga.
Þess má geta að ruv.is er eini vefurinn í topp-10 á samræmdum vefmælingum Modernus sem er aðgengulegur yfir IPv6, en í topp-20 listanum telst Vísindavefur HÍ einnig með sem er aðgengilegur yfir IPv6.
Written by natti
Ég er spurður af og til um DNSSEC, hvort ég viti hvernig DNSSEC innleiðing gangi hérlendis, hversu margir eru farnir að nota DNSSEC, og fleira í þessum dúr.
Nú er ég enginn DNS-snillingur sem slíkur, fókusinn hjá mér er annar í dag, en ég veit ekki til þess að margir hérlendis séu byrjaðir að skoða DNSSEC, en stærsta ástæðan er að rótarlénið (.is) hefur enn ekki verið vottað.
Ég sá mér því leik á borði og sendi spurningu á ISNIC og spurði hver staðan væri, sérstaklega þar sem að samkvæmt FAQ síðunni þeirra stóð til að kára DNSSEC vinnu í júlí 2010.
Svörin sem ég fékk að þó að verkefnið væri á eftir áætlun, þá væri það ekki alveg gleymt, en félagið tók þá afstöðu að fara frekar rólega af stað en að hætta á að eitthvað beri út af.
Allt gott og blessað.
ISNIC vonast þó til að þessi vinna klárist á þessu ári(2013), og því er ekkert annað að gera en að bíða og vona.
Written by natti
Þegar ég var að uppfæra “Þjónustuaðilar” hlutann í kjölfar IPv6 úthlutunar 1984.is, rak ég augun í að annað fyrirtæki er einnig nýkomið með IPv6 úthlutun.
Umrætt fyrirtæki er Tölvustoð ehf.
Viðurkennist hér með að ég þekki ekki til þessa fyrirtækis, hvort þeir eiga heima undir “Þjónustuaðilar” eða ekki. Kíki betur á þetta í komandi viku.
(Léninu þeirra var þó bætt við, þannig að við getum fylgst með hvenær síðan þeirra og tengdar þjónustur verða IPv6 aðgengilegar.)
Engu að síður er gaman að sjá einhverjar hreyfingar, þó netið þeirra sé enn ekki routeable (tæpur mánuður síðan þeir fengu úthlutunina.)
Written by natti
Mörður hjá 1984.is setti inn athugasemd við síðustu færslu um að 1984.is væri komið með IPv6 úthlutun frá RIPE (sjá hér).
Þetta eru mjög ánæglulegar fréttir og það verður áhugavert að fylgjast með framhaldinu.
Næstu skref fyrir 1984.is eru þá væntanlega að fá IPv6 tengingu við sinn upstream þjónustuaðila.
Og svo auðvitað vonandi bjóða upp á IPv6 fyrir þjónustur 1984.is í vefhýsingu og VPS.Mörður at 1984.is posted a comment to my last post notifying me that 1984.is has just recieved an IPv6 address assignment from RIPE (link).
This is good news and it’ll be interesting to watch 1984.is as they implement IPv6 in their infrastructure.
Hopefully we don’t have to wait too long before 1984.is will add IPv6 support for their hosted solutions.
Written by admin
Keyrði nýtt check á vefsíðurnar.
Það voru tvær breytingar sem hafa átt sér stað frá því í janúar, önnur tengist meðvitað IPv6 en hin ekki.
Lénið “eymundsson.is” var fært yfir á nafnaþjóna Basis, sem nú þegar eru IPv6 væddir, það má því draga þá ályktun að Eymundsson sé enn ekkert að pæla í IPv6.
DNS þjónar fyrir lénið “ruv.is” hafa verið IPv6 væddir, en það er væntanlega liður í IPv6 væðingu á þjónustum Rúv, sem unnið er að um þessar mundir.
Written by admin
Í fyrra(mars 2012) sótti Ríkisútvarpið um og fékk úthlutað IPv6 net frá RIPE.
Í gær, 19. febrúar 2013 var netið sem RÚV fékk úthlutað (2a00:b3c0::/32) auglýst í fyrsta sinn í IPv6 routing töflum á internetinu.
Þetta segir okkur að RÚV er skrefinu nær að byrja innleiðingu á IPv6.
Því vil ég nota tækifærið og óska RÚV til hamingju með þennan áfanga.
